دیدار هیات حکومت طالبان با معین وزارت خزانه‌داری امریکا

حافظ ضیأ احمد، معاون سخنگوی وزارت خارجه طالبان در رشته‌تویت‌هایی گفته است که یک هیات حکومت طالبان به رهبری امیرخان متقی، سرپرست این وزارت با هیات ایالات متحده دربارۀ ذخایر ارزی افغانستان، ثبات اقتصادی و کمک‌های بشری گفت‌وگو کرده است.
به گفته او، در این نشست سرپرست وزارت مالیه و معین این وزارت، معین بانک مرکزی و تیم تخنیکی حکومت طالبان دربارۀ ذخایر ارزی افغانستان با تیم تخنیکی و معین وزارت خزانه داری امریکا بحث‌های فنی کرده اند.